Makanan Tradisi Negeri Sembilan : Itik Salai Kualo Pilah

Assalamualaikum,

Ado x sey kobaan sey ni anak jati nismilan? Sey adolah suku biduondo. Mewarisi melalui keturunan omak sey..

Kalaupun hujung minggu ado kalo eh ado kosompatan sey balik kampung sey di Kampung Seri Melenggang, Padang Lebar, Nismilan.

Sepanjang laluan Bukit Putus mercu kebanggaan orang N9 yang dulu laluan eh bengkang bengkok. Perjalanan dari Kl ko Padang Lebar memakan maso lobih kurang 2 jam.

Masa dedulu memang horror kalu balik kg sey ni lobih2 lagi kalau bas selisih mo lori..kocut boto poghut sey.

Ado juga donga kato eh lelaki N9 ni pemaleh tapi sepanjang jalan ko Pilah kalau xjem xsah do..keto bosa2 plak. Ponuh dopan laman umah.

Sepanjang perjalanan sobolun ko Pokan Pilah memang banyak boto jual itik salai, daging salai dan sembilang salai. Makanan trademark nismilan.

Masakan N9 berbezo mo masakan minang. Minangkabau di N9 suko masak lomak ciliapi, xkiro masak mo sembilang salai, daging salai atau itik salai. Lado api trademark bahan utamo masakan masyarakat minangkabau berbezo dengan masakan minang lobih kopado berlado (cili merah).

Cumo sekarang dipelbagai contoh heh torung belado atau goreng cilipadi...fuh..sodap eh..ikan bilis goreng cili api..semuo eh yang podeh. Tu bolun rondang cili api campur mo kacang panjang dan mempoda, hati ayam..memang mantop...

Apo pun sey nak btau arini sey makan rondang ciliapi itik salai..kahkahkah.. Sila jeles...sok sey cito laie makanan tradisi masyarakat minangkabau di Malaysia dan apo itu suku Biduando yo...

Tata...